سەرۆكی جوڵانەوەی نەوەی نوێ، مافی خۆیەتی ئیمزا نەك لەسەر رێككەوتننامە بەڵكو لەسەر لاپەڕەی سپیش بكات، خۆی و جوڵانەوەكەی بەرپرسن لە ئاكامەكانی، هەمو هاوڵاتییەكی هەرێمی كوردستان، ئەندامی نەوەی نوێ بێت یان حزبێكی سیاسی تر، یان هاوڵاتییان سەربەستن چۆن دەڕواننە ئەم رێككەوتنە سیاسییە، لەگەڵی دەبن یا دژن.
سەرۆكی جوڵانەوەی نەوەی نوێ بۆی نییە، بەڵكو ئەبێت كەمێك شەرم بكات لە ئێستاوە لەڕێی ئیرهابی فكری و هەندێ دەستەواژەو دهربڕین كە سەركردەی ناو بزوتنەوەی فاشی نەیارانی پێ تۆمەتبار دەكرد، تۆمەت بەسەر نوسەران رۆشنبیران دابەش بكات.
بێگومان ئەو كە نیازی بو نەیارەكانی لەبەردەركی سەرای سلێمانی هەڵبواسێت ئاساییە كە بەم زمانە لەگەڵ هەر كەسێك بدوێ كە لەگەڵ ئیمزاكەی نەبێت، بەو پێیەی لەكاتی رەزامەندی لەسەر رێككەوتننامەی سجن، خەوی بە روحی شۆرشگێڕی ماندێلاو ئۆجەلانەوه بینیوە.
ئەو مافی خۆیەتی خەون ببینیت، بوبێت بە ئۆجەلان و ماندێلا، ئێمەش ئازادین بۆ شیكردنەوەو لێكدانەوەی خەونەكانی، پشت بە خەوننامەی كوردی ببەستین، نەك خەوننامەی فارسی و توركی.