بزوتنەوەی گۆڕانو بەرەو ھەڵەیەکی تری مێژوویی
عهبدوڵا کوێخا موبارهک
2020-04-28 1617
بزوتنەوەی گۆڕانو بەرەو ھەڵەیەکی تری مێژوویی گەورەترو کارەساتبارتر لەھەڵەی یەکەمو دووەمی
ھەڵەی یەکەم: ھەنگاونانی گۆڕان بو بەرەو تەوریسی سیاسیو بەبنەماڵەبون.
ھەڵەی دووەم: نزیکبونەوە بو لەپارتیو بەشداریکرد لەحکومەتێک کە تەزویرێکی زەبەلاحی لێکرا لەپرۆسەی ھەڵبژاردنداو ھەموان دەیانزانی حکومەتێکی شکستخواردو دەبێت، چونکە ھەمان عەقڵێتی بۆگەنو دەس پیسو گەندەڵی کابینەکانی تر بەڕێوەی دەبەن و بڕیاردەری سەرەکی دەبن تێیدا.
ھەڵەی سێیەم: ھەوڵێکی تا ڕادەیەک گەنجانەی ناو گۆڕانە بۆ دورکەوتنەوەی گۆڕان لەپارتیو ھاتنە پاڵی یەکێتی.
ئەم ھەوڵە لەلایەن بەشێک لەکاراکتەرە دیارەکانی ناو گۆڕانەوە دەدرێت کە زۆربەیان لەحکومەتە خوجێیەکەی سلێمانیدان و تێیشیاندایە لەخانەی ڕاپەڕاندن و جڤاتدان.
ئەمانە تێیاندایە بونە بەپیاوی دەزگاو بەناوی گۆڕانەوە کار بۆ یەکێتی دەکەن، ھەندێکیان ژێربەژێر ھەڕەشەیان لەسەرە کە ئەگەر گۆڕان لەبەرژەوەندی یەکێتی ھەڵنەسوڕێنن لەپۆستە حکومیەکان لادەبرێن لەسلێمانیو ھەشیانە خاڵی لاوازیان کەوتۆتە دەستی دەزگا جاسوسیەکانی یەکێتی.
گۆڕان بەم ھەڵەیەی بەتەواوی مەرگی خۆی دەبینێت، لەبەرئەوەی لەزەینی خەڵکو لایەنگرانی خۆیشیدا وا دەردەکەوێت کە گۆڕان ناتوانێت سەربەجۆیانە سیاسەت بکاتو ھەر ئەبێت لەپاڵ یەکێ لەم دوو لایەنە دەسەڵاتدارەدا بێت کە لەڕاستیدا خەڵک گۆڕانی ویست بۆ بەدیلی ئەم دوو لایەنە، نەک وەک داشی دامەی لێبێت لەنێوانیاندا.