وەزارەتی دارایی عێراق بڵاویکردەوە، دەستی بە پڕۆسەی دابەشکردنی مووچەی مانگی نیسانی خانەنشینانی سەربازیی و شارستانیی کردووە و پارەیی پێویستی بۆ تەرخانکردووە.
لە راگەیەندراوەکەی وەزارەتی دارایی عێراقدا ئاماژە بەوەکراوە، فەرمانگەی ژمێرکاری پارەی پێویستی بۆ مووچەی خانەنشینانی سەربازی و شارستانیی بۆ مانگی نیسان خەرجکردووە.
ئاماژەی بەوەشکرد، ڕێکارەکانی دابەشکردنی مووچە لەلایەن دەسەڵاتی خانەنشینی نیشتمانی و بانکەکانی ڕافیدەین و ڕەشید لە ڕێگەی کارتی پارەدانی ئەلیکترۆنی خۆیانەوە تەواو دەکرێن.
باسی لەوەشکرد، لە ڕێگەی نامەوە خانەنشینان ئاگاداردەکرێنەوە بۆ ئەوەی بچن بۆ وەرگرتنی مووچەکانیان لە لقەکانی بانکەکان.