لیستی مووچەی مانگی هەشتی وەزارەتی پێشمەرگە خانەنشینانی سەربازیی گەیشتووەتە بانکەکان و ڕاسپێردراون ئامادەکاری بۆ دابەشکردنی مووچە بکەن.
ئاوێنە: ئەمڕۆ چوارشەممە، ٢ی تشرینی یەکەمی ٢٠٢٤، لیستی مووچەی مانگی هەشتی دیوانی وەزارەتی پێشمەرگە، لیواکان، فەوجە سەربەخۆکان و خانەنشینانی سەربازی گەیشتە بانکەکان و ڕاسپێردراون کاری لەسەر بکەن و ئامادەکاری بۆ دابەشکردنی مووچە بکەن، تاوەکو لەلایەن وەزارەتی دارایی و ئابووریی هەرێمی کوردستان پارەیان بۆ دەنێردرێت.
لیستی مووچەی مانگی هەشتی خانەنشینان و کۆچکردووانی یەکەکانی 70 و 80 کە UPNـیان هەیە و کێشەی بەڵگەنامە و وارسیان نییە دواتر بۆ بانکەکان ڕەوانە دەکرێت.
هاوکات، سەبارەت بەو خانەنشینانەی کە UPNـیان نییە، کێشەی بەڵگەنامە و وارسیان هەیە، وەزارەتی پێشمەرگە خۆی لە ڕێگەی لیژنەیەکی تایبەتەوە مووچەیان پێدەدات.