رەجەب تەیب ئەردۆغان سەرۆک کۆماری تورکیا دەستپێکردنی ئۆپەراسیۆنی رۆژهەڵاتی فوراتی راگەیاند و لە دەستپێکی ئۆپەراسیۆنەکەدا، فڕۆکەکانی تورکیا ناوەندی سەربازیی سەرێکانیێیان لە رۆژئاوای کوردستان بۆردوومانکرد.
ئاوێنه: ره‌جه‌ب ته‌یب ئه‌ردۆغان سه‌رۆككۆماری توركیا لە توویتێکدا رایگەیاند: "سوپای توركیا پێكه‌وه له‌گه‌ڵ سوپای میللی سووریا ئۆپه‌راسیۆنی كانی ئاشتی ـیان له دژی رێكخراوه‌كانی تیرۆریستی په‌كه‌كه/یه‌په‌گه و داعش له باكووری سووریا ده‌ستپێكرد".
ئه‌ردۆغانده‌ڵێت ''ئۆپەراسیۆنەکە بەهاوکاری سوپای نیشتیمانی سوریا دەبێت بۆ دورخستنەوە هێزەکانی یەپەگە و داعش کە بەگوێرەی قسه‌كانی بەرپرسانی تورکیا لەسنورەکانی ئەو وڵاتەدان''.
شایەنی باسە بەرپرسانی تورکیا بانگەشەی ئەوەدەکەن کە ئامانجی ئۆپەراسیۆنەکە پاراستنی یەکپارچەیی خاکی سوریا و دورخستنەوەی مەترسی تیرۆرە لەسەر سنورەکانی.
جێگای ئاماژەیە بەڵام هێزەکانی سوریای دیموکرات بەشێک بون لەهاوپەیمانی نێودەوڵەتی دژی داعش و ئەو بیانوەی تورکیا ” بێ بنەما ” وەسفدەکەن.
هەسەدە داوا لە ئەمریکا و هاوپەیمانی نێودەوڵەتی دەکات ناوچەی دژەفڕین رابگەیەنن بۆ ئەوەی هێرشی سەر خەڵکی بێتاوان بووەستێت.
ناوەندی ئۆپەراسیۆنی سەربازی و هاوئاهەنگی هەسەدە لە ئەژماری خۆی لە توویتەر دەڵێت، بە بیروباوەڕێکی باشەوە بەشداریمان لە رێککەوتنی ناوچەی ئارام کرد لەنێوان ئەمریکا و تورکیا، بەڵام ئەو رێککەوتنە ئێمەی بێ بەرگری هێشتەوە.