سزای سێدارەی دوو بەندكراوی كورد بە ناوەكانی محەممەد عەلی تاهیری و هادی قیاسی، كە پێشتر بە تۆمەتی پەیوەندیدار لەگەڵ ماددە هۆشبەرەكان و كوشتنی بە ئەنقەست لە لایەن دەزگای دادوەری كۆماری ئیسلامی ئێرانەوە سزای سێدارەی بەسەردا سەپابوو، لە بەندیخانەكانی نەهاوەند و قەزوین جێبەجێ كرا.
ئاوێنە: بە پێی ڕاپۆرتی ڕێكخراوی مافی مرۆڤی هەنگاو، سزای سێدارەی محەممەد عەلی تاهیری، بەندكراوی تەمەن ٤٦ساڵە و خەڵكی شاری كەنگەڤەر، كە پێشتر بە تۆمەتی پەیوەندیدار لەگەڵ ماددە هۆشبەرەكان سزای سێدارەی بەسەردا سەپابوو لە بەندیخانەی ناوەندی قەزوین جێبەجێ كرا.
هاوكات سزای سێدارەی هادی قیاسی لە بەندیخانەی ناوەندی نەهاوەند جێبەجێ كرا. ئەو بەندكراوە چوار ساڵ پێش بە تۆمەتی كوشتنی بە ئەنقەست دەستبەسەركرابوو و لە لایەن دەزگای دادوەری كۆماری ئیسلامی ئێرانەوە سزای سێدارەی بەسەردا سەپابوو.