بەڕێوەبەری كەشناسی و بومەلەرزەزانی سلێمانی دەڵێت، گوڕی بومەلەرزەكەی پاشنیوەڕۆی ئەمڕۆی سلێمانی، 3.2 پلە بوە بە پێوەری رێختەر.
ئاوێنە: ئاسۆ كەمال، بەڕێوەبەری كەشناسی و بومەلەرزەزانی سلێمانی، لە لێدوانێكدا بۆ میدیای یەكێتی، وتی، سەعات 2:39 خولەكی پاشنیوەڕۆی ئەمڕۆ بەكاتی هەرێم، بومەلەرزەیەك بە گوڕی 3.2 پلە بە پێوەری رێختەر لە سلێمانی رویدا و لە هەندێك ناوچەی دەوروبەریشی هەستی پێكراوە.
وتیشی، بومەلەزەكە بە قوڵایی 12 كیلۆمەتر بوە و ناوەندەكەشی گوندی پوشین بوە لە سنوری بەرزنجە.