وەزارەتی تەندرووستی ئێران بڵاوی کردەوە، بەهۆی هێرشەکانی ئیسرائیلەوە ٦٢٧ کەس لە ئێران و ڕۆژهەڵاتی کوردستان کوژران و زیاتر لە چوار هەزار و ٨٧٠ کەسیش برینداربوون، دەشڵێن: زۆربەی کوژراو و بریندارەکان خەڵکی تاران و کرماشانی ڕۆژهەڵاتی کوردستانن.
ئاوێنە: وەزارەتی تەندرووستی ئێران، ڕاگەیاندراوێکی سەبارەت بە ئامارەکانی کوژران و بریندابوونی هاوڵاتیان لە ئێران و ڕۆژهەڵاتی کوردستان بەهۆی هێرشەکانی ئیسرائیلەوە بڵاوکردەوە.
وەزارەتی تەندرووستی ئێران بڵاوی کردەوە، بەهۆی هێرشەکانی ئیسرائیلەوە ٦٢٧کەس لە ئێران و ڕۆژهەڵاتی کوردستان کوژران و زیاتر لە چوار هەزار و ٨٧٠کەسیش برینداربوون.
دەشڵێن، زۆربەی کوژراو و بریندارەکان خەڵکی تاران و کرماشانی ڕۆژهەڵاتی کوردستانن.
ئاماژە بەوەشکراوە، لەماوەی ڕۆژانی جەنگدا ٣٥ فەرماندە و سەربازمان کوژراون.
ئەوەش خراوەتەڕوو، بەهۆی هێرشەکانەوە ٥٠٠ یەکەی نیشتەجێبوون زیانی زۆریان پێگەیشتووە و ١٢٠ یەکەش بە تەواوەتی خاپووربوون.
جێگای ئاماژەیە، شەڕی نێوان ئیسرائیل و ئێران ماوەی ١٢ڕۆژ بەردەوام بوو، بەهۆیەوە ژمارەیەکی زۆر قووربانی لێکەوتەوە.