2019-11-11   849     
فەرماندەی گشتی هێزەکانی سووریای دیموکرات ''هەسەدە'' لەگەڵ دەستەی سەرۆکایەتی ئەنجوومەنی نیشتمانی کورد لە سووریا ''ئەنەکەسە'' کۆبووەتەوە و باسیان لەدوایین پێشهاتەکانی رۆژئاوای كوردستان کردووە.
ئاوێنه: تاهیر عەساف، ئەندامی دەستەی سەرۆکایەتیی ئەنجوومەنی نیشتمانیی کورد لە سووریا ''ئەنەکەسە'' ڕاگەیاندوه، کۆبوونەوەکەیان لەگەڵ مەزڵووم کۆبانێ ئەرێنی بووە و لەبارەی پەیوەندییەکان و لێکنزیکبوونەوەی نێوان حیزبە سیاسییەکانی رۆژئاوای كوردستان گفتوگۆیان کردووە.
بەوتەی تاهیر عەساف، سەرۆکایەتیی ئەنەکەسە تێبینیی خۆیانیان داوەتە مەزڵووم کۆبانێ، بۆ ئەوەی پەیەدە، بەڕێوەبەرایەتی خۆسەر و ئەنەکەسە رێکبکەون.