بەشدار بووێن هێلا كورەك تیلیكوم ب رێیا پارێزەرەكێ سكالایەك لسەر كومپانیا كورەك تیلیكوم یا هێلێن پەیوەندیا تومار كر بتومەتا فێلبازیێ ب رێیا هنارتنا نامەیەكێ.
ئاوێنە، وارهێل نێروەی: پشتی كو دانەیەك ژ نڤیسارا سكالایێ گەهشتیە "ئاوێنە" ل رۆژا ئێك شەمبی 18/1/2020 پارێزەر هێرش رەشید، ل دادگەها دهوكێ ب رێیا داواكارێ گشتی، بشێوەیەكێ فەرمی سكالایەك لسەر كومپانیا كورەك تیلیكوم تومار كر.
پشتی هزارەها خەلكێ دهوكێ گلەیێ لسەر هنارتنا نامەكا كورەك تیلیكوم كری كو ب رێیا وێ نامێ كومپانیا كورەك داخواز ژ بەشدار بووێن خوە كریە هێلێن خوە ب كوژمێ 8000 دینارا هێلا وی دێ بیتە ئیشتراك، پشتی هژمارەكا زۆر خەلكێ ئەڤ كریارە ئەنجام دای ئەو پارێ هاتیە برن و هێلا خەلكی ژی نەبوویە ئیشتراك. ئامانج ژ ڤێ پێنگاڤێ ئەوە مافێ هاولاتیان نەهێتە خوارن ئەڤ كارە دووبارە نەبیت.
