2020-02-04 1282
ل دهۆكێ سالانە زێدەتر 186 ملیۆن هێك دهێنە بەرهەم ئینان
بەرپرسێ هۆبا پەلەوەران ل رێڤەبەریا سامانیێن ئاژەلی دهۆكێ دیاركر ل سنۆری پارێزگەها دهۆكێ دوو پرۆژێن بەرهەم ئینانا هێكا ل دهۆكێ كاردكەن و سالانە بەرهەمێ خومالی هێكا دگەهتە 186 ملیۆن و 296 هزار هێك ئەڤە ژی ئاستەكێ باشە.
ئاوێنە، وارهێل نێروەیی: جەمیل مبارك، بەرپرسێ هۆبا پەلاوەران رێڤەبەریا سامانیێن ئاژەلی ل دهۆكێ بۆ " ئاوێنە " راگەهاند: بەهرا پتر ژی هێكا ژ پرۆژی دەڤەرا سێمێل دهێنە بەرهەم ئینان و ئەگەر بەراودری بكەین دگەل بەرهەمێ بیانی هێكا خومالی گەلەك باشترە ژلایێ تام و سەنگا خوەڤە، هێكا خومالی سەنگا وێ دگەهیتە 70 گرام بەرامبەر یا بیانی 55-60 گرام زێدەتر نینە.
گوت ژی: خواست لسەر بەرهەمێ هێكا نافخوی هەیە، ئەگەر بەرهەمێ خۆمالی یێ هێكا بهێتە زێدەكرن دێ بەهرا بەرهەمی نافخۆیی كەت لێ هیكا مە بۆ پارێزگەهیێن دێ یێن عیراقێ دهێتە رەوانەكرن.
ناڤهاتی گوت ژی: گرانیا بهایێ هێكا ژی پشتی بریارا قەدەغەكرنا وێ هاتیە دان ژ دەولەتان بۆ ناڤ عیراقێ و كوردستانێ ژی هێك گران بوویە ونها ب فەرمێ هاوردەكرنا هێكێ ناهیتە كرن مۆلەت ب فەرمێ ناهێنە دان بۆ هاوردەكرنا هێكا ئەو ریێن نها هیك پێ دهێنە ئەم ژی نوزانن لێ ریێن قاچاغ دهێن.