2020-02-16 829
ل دهوكێ 288 پرۆژێن خودانكرنا مریشكا هه‌نه هنده‌ك ژوان پرۆژان بشێوه‌یه‌كێ به‌روه‌خت كار لسه‌ر ناهێته كرن ژبه‌ر ئه‌گه‌رێن جودا هه‌روه‌سا هه‌ر چیچه‌لوك یان مریشكه‌كا بهێته خودان كرن و ژ پرۆژه‌ى ده‌ربچیت پشكنین ساخله‌میێ بۆ دهێنه كرن.
ئاوێنه، وارهێل نێروه‌یى: جه‌میل مبارك ، به‌رپرسێ هۆبا په‌لاوه‌ران رێڤه‌به‌ریا سامانیێن ئاژه‌لى ل دهۆكێ بۆ " ئاوێنه "راگه‌هاند: ل پارێزگه‌ها دهۆكێ 288 پرۆژه‌یێن مریشكا یێن موله‌ت دایى هه‌نه، ژوانا پرۆژان ژى ب رێژا 10% كار ناكه‌ن ژبه‌ر ئه‌گه‌رێن هه‌مه جۆره گرێدایێ پرۆژى مریشكا كو پتریا وان به‌روه‌خت دهێنه راوه‌ستاندن هه‌تا كارى خوه بۆ خۆدانكرنا قوناغه‌كا دێ مریشكا دكه‌ن، مریشكا خۆمالێ 15% هه‌تا 20% ل دهۆكێ دهێته مه‌زاختن له‌ورا حه‌ز و خواست ده‌ڤ وه‌لاتیێن پارێزگه‌ها دهۆكێ لسه‌ر خارنا مریشكا خۆمالى زێده‌بوویه.
ناڤهاتى گوت ژى: وزه ڤان پرۆژان دگه‌هته چار ملیۆن و 244 هزار و 70 مریشكا بۆ هه‌ر خۆله‌كا خۆدانكرنێ، نوكه دوو جۆر خۆلێن خۆدانكرنا مریشكا هه‌نه ئه‌و ژى 35 رۆژى هه‌كه سه‌نگا مریشكى كیلیۆیه‌ك و 800 هه‌تا دو كیلیویێن گوشتى بیت وهه‌كه داخازى لسه‌ر 2 كیلۆ و نیڤان هه‌تا سێ كیلۆیان هه‌بیت ئه‌و مریشكا هه‌تا 45 رۆژان مینت ناڤ پرۆژى دا هه‌تا سه‌نگێ وى زێده‌ببیت.
دیار كر: هه‌ر چیچه‌لوكا بهێته ناڤ پرۆژى مریشكان دا پێدڤیه رازه‌مه‌ندى هه‌بیت راپورت ساخله‌مى و ژێده‌ر وێ چیچه‌لوكێ كیڤه‌یه دگه‌لدا بیت، هه‌روه‌سا ده‌مێ ئه‌و چیچه‌لوك پرژۆى دا مه‌زن بیت بیته مریشك دهێته فرۆتن پێدڤیه به‌رى فرۆتنى راپورته‌كا ساخله‌میێ بهێته دروستكرن ل سه‌ر وان مریشكا بێ رازه‌مه‌ندێ چیچه‌لوك ناهێنه ناڤ پرۆژان دا دووڤ مۆله‌ت و رینمایێن بۆ پرۆژێن مریشكا هاتینه ده‌رخستن.
ل دوماهیێ ژى گوت: نها هه‌تا 200 پرۆژه لژێر دروستكرنێ و رێڤه‌برنا معاملان دا هه‌نه وهنده‌ك ژڤان پرۆژان نێڤه‌رۆ ماینه ژبه‌ر ئه‌گه‌رێن دارایێ كو سالانه شه‌ش خۆل مریشكا دهێنه خودانكرن و به‌رهه‌مێ خۆمالى یێ مریشكا دگه‌هته 28 هزار و 647 ته‌نان سالانه بۆ هه‌ر كه‌سه‌كێ سالانه ئه‌م دشین هه‌تا 18 كیلۆیێن كوشتى دابین بكه‌ین.