14 توشبوی دیكەی كۆرۆنا لە سلێمانی تۆماركران
  2020-03-29       724       

وەزارەتی تەندروستی حكومەتی هەرێمی كوردستان تۆماركردنی 14 توشبوی دیكەی بە كۆرۆنا لە پارێزگای سلێمانی راگەیاند كە هەشت ئافرەت و شەش پیاون.

ئاوێنە: وەزارەتی تەندروستی حكومەتی هەرێمی كوردستان، ئەمشەو(یەكشەممە)، لەڕاگەیەندراوێكدا وتی"لە بەردەوامی پشکنینەکان و گەڕان بەدوای گومانلێکراوان، چواردە توشبوی ڤایرۆسی کۆڕۆنای نوێ COVID-19 لەشاری سلێمانی دەستنیشانکران، کە هەشت ئافرەت و شەش پیاون."

هێمای بۆ ئەوەش كردوە كە پێنج لە توشبوەكان لەناو شاری سلێمانی و پێنجوێن و سیاگوێزو سیتەکن كە پێشتر گەشتیان کردوەو حەوت لە توشبوەكانیش لە دەربەندیخانن كە بەرکەوتوی توشبوانی پێشون.

ئاشكراشیكردوە كە دو توشبوی نوێ لە شاری سلێمانی پێشینەی گەشتیان نییە.

زۆرترین بینراو
© 2024 Awene Online, Inc. All Rights Reserved.
×