2020-04-18 381
له ٢٤ كاتژمێری رابردوودا ٧٣ تووشبووی دیكه‌ی ڤایرۆسی كۆرۆنای نوێ له ئێران گیانیان له‌ده‌ست داوه و به‌مه‌ش كۆی گشتیی ئه‌وانه‌ی تا ئێستا به‌هۆی ئه‌م ڤایرۆسه‌وه له‌و وڵاته گیانیان له‌ده‌ست داوه بۆ پێنج هه‌زار و ٣١ كه‌س به‌رز بووه‌ته‌وه.
ئاوێنه: ته‌له‌ڤزیۆنی حکوومەتی ئێران بڵاوی كرده‌وه كه وته‌بێژی وه‌زاره‌تی ته‌ندروستیی ئێران، كیانوش جیهانپور رایگه‌یاندووه له ٢٤ كاتژمێری رابردوودا ٧٣ تووشبووی دیكه‌ی ڤایرۆسی كۆرۆنای نوێ له ئێران گیانیان له‌ده‌ست داوه و به‌مه‌ش كۆی گشتیی ئه‌وانه‌ی تا ئێستا به‌هۆی ئه‌م ڤایرۆسه‌وه له‌و وڵاته گیانیان له‌ده‌ست داوه بۆ پێنج هه‌زار و ٣١ كه‌س به‌رز بووه‌ته‌وه.
هه‌روه‌ها له‌و ماوه‌یه‌دا هه‌زار و ٣٧٤ حاڵه‌تی دیكه تۆمار كراون و ژماره‌ی تووشبووان گه‌یشتۆته ٨٠ هه‌زار و ٨٦٨ كه‌س.
جیهانپور به تیشك خستنه سه‌ر ئه‌وه‌ی كه ره‌وشی ته‌ندروستی سێ هه‌زار و ٥١٣ تووشبوو سه‌خته ئاماژه‌ی به‌وه داوه كه ٥٥ هه‌زار و ٩٨٧ تووشبوو دوای ته‌واوبوونی ماوه‌ی چاره‌سه‌ری چاك بوونه‌ته‌وه و ره‌وانه‌ی ماڵه‌وه كراونه‌ته‌وه.
كیانوش تیشكیشی خسته سه‌ر ئه‌وه‌ی تاكو ئێستا ٣٣٠ هه‌زار و ١٣٧ پشكنین بۆ كۆرۆنا له سه‌رتاسه‌ری ئه‌و وڵاته‌دا ئه‌نجام دراون.