وەزارەتی تەندروستی توركیا رایگەیاند: لەماوەی 24 سەعاتی رابردودا دو
هەزارو 861 كەسی دیكە لەسەرتاسەری وڵات توشی كۆرۆنا بون و 106 كەسی دیكەش بە
ڤایرۆسەكە گیانیان لەدەستداوە.
ئاوێنە: فەخرەدین كۆجا، وەزیری تەندروستی توركیا ئاشكرایكرد: لەماوەی 24 سەعاتی رابردودا دو هەزارو 861 حاڵەتی نوێی كۆرۆنا
تۆماركراون و بەوەش كۆی گشتی ژمارەی توشبوان لە وڵات گەیشتۆتە 107 هەزارو 773 توشبو.
هەروەها ئاشكراشیكردوە: هەر لەو ماوەیەدا 106
توشبوی كۆرۆنا گیانیان لەدەستداوەو بەوەش كۆی گشتی ژمارەی ئەوانەی بە ڤایرۆسەكە تا
ئێستا لە توركیا گیانیان لەدەستداوە گەیشتۆتە دو هەزارو 706 كەس.
هەروەها وتوشیەتی: لەماوەی 24 سەعاتی
رابردودا سێ هەزارو 845 توشبوی كۆرۆنا چاكبونەتەوەو بەوەش تا ئێستا زیاتر لە 25
هەزار توشبو چاكبونەتەوە.