ژمارەی توشبوون و مردن بە کۆڕۆنا لە ئەڵمانیا کەم بووەتەوە
  2020-04-27       640       
پەیمانگەی رۆبەرت کوخ رایگەیاند، ژمارەی توشبووان و گیان لەدەستدان بەهۆی ڤایرۆسی کۆڕۆنا رۆژانە کەمدەبێتەوە.

ئاوێنە: لە توێژینەوەیەکدا پەیمانگەی رۆبەرت کۆخ-ی ئەڵمانی ئاماژەی بەوە داوە کە ئەمڕۆ دووشەممە ژمارەی توشبوون و گیان لەدەستدان بە ڤایرۆسی کۆڕۆنا لە ئەڵمانیا کەم بووەتەوە و وەکو چەند رۆژی رابردوو ئامارەکان زۆر نین.

هاوکات پەیمانگەکە دەڵێت، ئەمڕۆ دووشەممە تەنها هەزار و ١٨ حاڵەت تۆمار کراوە، بەڵام رۆژی رابردوو هەزار و ٧٣٨ حاڵەت بووە. لەگەڵ ئەوەش کۆی گشتی ژمارەی توشبووان بە ڤایرۆسەکە گەیشتووەتە ١٥٥ هەزار و ١٩٣ کەس.

لەلایەکی دیکەوە بەپێی روونکردنەوەی پەیمانگەکە، رۆژی رابردوو ١٤٠ کەس بەهۆی ڤایرۆسەکەوە گیانی لەدەستداوە، بەڵام ئەمڕۆ تەنها ١١٠ کەس. بەو پێیەش ژمارەی گیان لەدەستدان لە ئەڵمانیا گەیشتووەتە ٥ هەزار و ٩٧٦ کەس.
زۆرترین بینراو
© 2021 Awene Online, Inc. All Rights Reserved.
×