لیرەی توركی، ئەمڕۆ هەینی، 0.5%ی بەهای خۆی بەرامبەر بە دۆلار لە دەستدا.
ئاوێنە: بەپێی هەواڵێكی ئاژانسی رۆیتەزر، سەرلەبەیانی ئەمڕۆ هەینی، یەك
دۆلار بەرامبەر بە 7.0175 لیرە مامەڵەی پێوەكراوە كە بەوەش نرخی لیرە جارێكی دیكە
لەو ئاستە نزیك بوەوە كە لەماوەی دو هەفتەی رابردودا لە مامەڵەكاندا بەخۆیەوە بینی
و نزمترین ئاست بو لە دوای قەیرانی دراوی توركیا لە ئابی 2018ەوە.
پێشتر 7.0250 لیرەی توركی بەرامبەر بە یەك دۆلاری ئەمریكی مامەڵەی پێوەكرابو.
ئەوەش لەكاتێكدایە كە ئەمڕۆ بازاڕەكانی توركیا بەبۆنەی 1ی ئایار، رۆژی
جیهانی كرێكارانەوە، داخراون.