2020-05-04 492
وەزیری تەندروستیی تورکیا لە لێدوانێکدا ڕایگەیاند ''لە ماوەی 24 کاتژمێری ڕابردوودا 61 حاڵەتی مردن بە هۆی کۆرۆنا لەو وڵاتە تۆمار کراوە و بەوەش کۆی حاڵەتەکانی مردن بە کۆرۆنا لە تورکیا گەیشتە 3397 حاڵەت''.
ئاوێنه: ئه‌مرۆ دووشەمە 4ی ئایار 2020 فەخرەدین کۆجا وەزیری تەندروستیی تورکیا لە لێدوانێکیدا دوایین ئامارەکانی لەبارەی کۆرۆناوە لەو وڵاتە بڵاو کردەوە و ڕایگەیاند لە ماوەی 24 کاتژمێری ڕابردوودا 61 هاووڵاتیی تورکیا بە هۆی کرۆناوە گیانیان لە دەست داوە و بەوەش کۆی حاڵەتەکانی مردن بە کۆرۆنا لە تورکیا گەیشتە 3397 حاڵەت.
ناوبراو وتیشی لە کۆی پشكنینه‌كانی ڤایرۆسی کۆرۆنا لە 24 کاتژمێری ڕابردوودا 3 هەزار و 397 حاڵەتی نوێی تووشبوون بە کۆرۆنا تۆمار کراوە و بەوەش کۆی حاڵەتەکانی تووشبوون بەو ڤایرۆسە لە تورکیا گەیشتە 126 هەزار و 45 حاڵەت.
وەزیری تەندروستی تورکیا ئەوەشی ئاشکرا کرد کە لە ماوەی 24 کاتژمێری ڕابردوودا 4 هەزار و 892 هاووڵاتی لە ڤایرۆسەکە ڕزگاریان بووە و بەوەش کۆی ئەو کەسانەی لە پەتاکە چاک بوونەتەوە دەگاتە 63 هەزار و 151 کەس.