وەزارەتی تەندروستی توركیا رایگەیاند: له‌ماوه‌ی ٢٤ سەعاتی رابردودا یەك هه‌زار و ٥٤٦ كه‌سی دیكه‌ توشی ڤایرۆسی كۆرۆنا بون و ٥٠ توشبوی ڤایرۆسەكە گیانیان لەدەستدا.

ئاوێنە: فەخرەدین كۆجا، وەزیری تەندروستی توركیا رایگەیاند: ئەمڕۆ ٣٥ هەزار و ٦٠٥ پشكنينى ڤایرۆسی کۆرۆنا ئەنجامدراون و لەو چوارچێوەيەدا یەك هەزار و ٥٤٦ حاڵەتى نوێى توشبون بە كۆرۆنا تۆماركراون و ٥٠ توشبوش گيانيانلەدەستداوە.

ئەوەشی خستۆتەڕو كە كۆى گشتی حاڵەتەكانى توشبون بە كۆرۆنا لە توركیا گەيشتۆتە ١٣٧ هەزار و ١١٥ حاڵه‌ت و كۆی گشتی گيانلەدەستدانيش بە ڤایرۆسەكە گەيشتوەتە سێ هەزار و ٧٣٩.

بەپێی قسەی وەزیری تەندروستی توركیا كۆى گشتیی ئەو نەخۆشانەى كە لە ژێر چاودێری چڕدان، یەك هەزار و ١٦٨ نەخۆشن، كۆى گشتیى ئەو نەخۆشانەى كە لە رێگەى ئامێری هەناسەدانی دەستکردەوە هەناسەدەدەن ٦٢٨ نەخۆشن و كۆى گشتیى ئەو نەخۆشانەى چاكبونەتەوە و نەخۆشخانەيان جێهێشتوە گەيشتوه‌تە ٨٩ هەزار ٤٨٠ نەخۆش.