2020-05-20 330
وەزارەتی تەندروستی عێراق لە ڕاگەیەندراوی رۆژانەیدا تۆمارکردنی ١١٣ حاڵەتی نوێی کۆرۆنای ڕاگەیاند و بەوەش ژمارەی کۆی توشبوان گەیشتە ٣٧٢٤ حاڵەت.
ئاوێنه: وەزارەتی تەندروستی عێراق ئاشکراشیکردوە لە ٢٤ کاتژمێری ڕابردوودا سێ توشبوو بە کۆرۆنا گیانیان لەدەستداوە و ژمارەی ئەو کەسانەی تا ئێستا گیانیان لەدەستداوە گەیشتۆتە ١٣٤ کەس.
ئاماژەی بەوەشکردوە ٧٢ کەسی تر ڤایرۆسەکەیان تێپەڕاندوە و چاکبونەتەوە و لە نەخۆشخانە چونەتە دەرەوە،بەوەش ژمارەی کۆی چاکبوەوەکان گەیشتە ٢٤٣٨ حاڵەت.
هەر بەپێی ئامارەکانی وەزارەتی تەندروستی عێراق لە ئێستادا ١١٥٢ نەخۆش لە نەخۆشخانەکاندا ماون و لە ژێر چاودێری پزیشکیدان.