17 پەرلەمانتار داوای دانیشتنی پەرلەمانی كوردستان دەربارەی 27 ملیار دۆلار قەرزەكە دەكەن
  2020-05-27       696       

17 پەرلەمانتاری كوردستان داوای ئەنجامدانی دانیشتنی پەرلەمانی كوردستان دەكەن دەربارەی ئەوەی سەرۆكی حكومەت وتی: حكومەت 27 ملیار دۆلار قەرزارەو داواش دەكەن بانگهێشتی سەرۆكی حكومەت و جێگرەكەی و وه‌زیری دارایی بكرێت بۆ دانیشتنەكە.

ئاوێنە: 17 پەرلەمانتاری كوردستان لە یاداشتێكدا بۆ سەرۆكایەتی پەرلەمان رایانگەیاند: ‎پاڵپشت بە ماددەی ٦٦، بڕگەی یەكەم لە پەیڕەوی ناوخۆی پەرلەمانی كوردستان، ئێمە ژمارەی یاسایی ئەندامانی پەرلەمان كە لە خوارەوە واژۆمان كردوە، داوادەكەین پەرلەمانی كوردستان دانیشتێكی ئاسایی ئەنجام بدات دەربارەی ئەوەی سەرۆکی ئەنجومەنی وەزیران ڕایگەیاند حکومەتی ھەرێم ٢٧ ملیار دۆلار قەرزارە.

هەروەها داواشیان كردوە كە بانگێشتی سەرۆكی حكومەت و جێگری سه‌رۆكی حكومه‌ت و وه‌زیری دارایی بكرێت بەمەبەستی خستنەڕوی بەڵگەو وردەکاری ئەو قەرزانە.

دەقی یاداشتەكە...

بۆ/ سەرۆكایەتی پەرلەمانی كوردستان -عێراق

‎بابەت/ ئەنجامدانی دانیشتن

‎پاڵپشت بە ماددەی ٦٦، بڕگەی یەكەم لە پەیڕەوی ناوخۆی پەرلەمانی كوردستان-عێراق، ئێمە ژمارەی یاسایی ئەندامانی پەرلەمان كە لە خوارەوە واژۆمان كردوە، داوادەكەین پەرلەمانی كوردستان دانیشتێكی ئاسایی ئەنجام بدات، دەربارەی ئەوەی سەرۆکی ئەنجومەنی وەزیران ڕایگەیاند حکومەتی ھەرێم ٢٧ ملیار دۆلار قەرزارە، و بانگێشتكردنی سەرۆكی حكومەت و جێگری سه‌رۆكی حكومه‌ت و وه‌زیری دارایی بۆ پەرلەمان و بەمەبەستی خستنەڕوی بەڵگەو وردەکاری ئەو قەرزانە.

‎١- عه‌بدولستار مه‌جید
٢-د.شێركۆ جه‌وده‌ت
٣-د.كازم فاروق
٤-د.محی الدین حسن
٥-سۆران عومه‌ر
٦-ئه‌بوبه‌كر هه‌ڵه‌دنی
٧-كاوه‌ عبدااقادر
٨-مژده‌ محمود
٩-د.هه‌ورامان گه‌چێنه‌یی
١٠-د.اسماعيل سگيری
١١-ھلز احمد
١٢-سەرچناراحمد
١٣-سیپان سالم
١٤-به‌دریه‌ ئیسماعیل
١٥-عوسمان كانی كورده‌ی
١٦-ڕوپاك ئه‌حمه‌د
١٧-موسلیم عبدال

زۆرترین بینراو
© 2020 Awene Online, Inc. All Rights Reserved.
×