2020-06-01 669
ڕێکخراوی هەنگاو بۆ مافەکانی مرۆڤ بڵاویکردەوە کە تەنیا لە مانگی ڕابردوودا کۆژران و برینداربوونی ٣٦ کۆڵبەر و کاسبکار تۆمارکراوە.
ئاۆێنە: ڕێکخراوەکە ڕوونیکردەوە "لە ماوەی مانگی ئایاری ڕابردوودا لانیکەم ٣٦ کۆڵبەر لە سنوورەکانی کوردستان کوژراون و بریندار کراون کە زیاتر لە ٩١٪ی ئەو حاڵەتانە بە تەقەی ڕاستەوخۆی هێزە چەکدارەکانی ئێران و تورکیا بووە".
ئەوەشی خستەڕوو کە لەو ماوەیەدا ١٢ کۆڵبەر و کاسبکار کوژراون و ٢٤ کۆڵبەریش بریندار بوون. زیاترین ژمارەی کوژران و بریندار لە پارێزگای ورمێ تۆمار کراوە کە ٢٥ حاڵەت بووە.
ڕێکخراوی هەنگاو وردەکاری ڕووداوەکانیشی بەم شێوەیە بڵاوکردەوە:
تەقەی ڕاستەوخۆ : ٣٣ حاڵەت (٩ کوژراو و ٢٤ بریندار) کە دەکاتە ٩١.٥٪ی کۆی حاڵەتەکان.
ڕووداوی سروشتی: ٢ حاڵەت (٢ کوژراو ) کە دەکاتە ٥.٥٪ ی کۆی حاڵەتەکان.
ڕووداوی هاتووچۆ: ١ حاڵەت (١ کوژراو ) کە دەکاتە ٣٪ ی کۆی حاڵەتەکان.