ئێران.. ژمارەی توشبوانی کۆرۆنا ١٧٠ هەزار کەسی تێپەڕاند
  2020-06-07       346       


وەزارەتی تەندروستی ئێران رایگەیاند، لە ماوەی ٢٤ کاتژمێری رابردودا ٧٢ کەسی دیکە بەهۆی کۆرۆناوە گیانیان لەدەستداوە و کۆی گشتی ئەو کەسانەی بەهۆی ڤایرۆسەکەوە مردون گەیشتوەتە هەشت هەزار و ٢٨١ کەس.

کیانوش جیهانپور، وتەبێژی وەزارەتی تەندروستی ئێران لەمیانەی لێدوانێکی رۆژنامەوانیدا رایگەیاند، لەدوێنێوە دو هەزار و ٣٦٤ توشبوی نوێی کۆرۆنا لە وڵاتەکەدا تۆمارکراون، بەوەش ژمارەی توشبوانی ڤایرۆسەکە گەیشتوەتە ١٧١هەزار و ٧٨٩ کەس.

ئاماژەی بەوەشکرد، لەهەمانکاتدا  ٧٢ کەسی دیکە بەهۆی کۆرۆناوە گیانیان لەدەستداوە و کۆی گشتی ئەو کەسانەی بەهۆی ڤایرۆسەکەوە مردون گەیشتوەتە هەشت هەزار و ٢٨١ کەس.

وتەبێژی وەزارەتی تەندروستی ئێران باسی لەوەشکردوە، تا ئێستا ١٣٤ هەزار و ٣٤٩ توشبوی وڵاتەکەی نەخۆشییەکەیان پەڕاندوە و نەخۆشخانەیان جێهێشتوە، بەڵام دو هەزار و ٥٩٦ کەس دۆخی تەندروستیان ناجێگیرە و لەژێر چاودێری وردان.

لەبارەی رەوشی بڵاوبونەوەی ڤایرۆسەکە  جیهانپور وتی، هەرێمی خوزستان، هورمزخان، بوسهیر، باشوری کرمان و کرمانشا و چەندین ناچەی دیکەی وڵاتەکەی هێشتا بە ناوچەی سور هەژماردەکرێن بەهۆی بەرزی ئاستی مەترسییەکانی کۆرۆتێیاندا، دورگەی هورمز کە دەکەوێتە ئاوی کەنداوەوە تاکە شوێنی ئێرانە کە ڤایرۆسی کۆرۆنای تیادا نەماوە.

زۆرترین بینراو
© 2021 Awene Online, Inc. All Rights Reserved.
×