شانەی راگەیاندنی ئەمنی عێراق رایگەیاند: موشەكێك لە دەوروبەری فڕۆكەخانەی نێودەوڵەتی بەغدا كەوتۆتە خوارەوە.
ئاوێنە: شانەی راگەیاندنی ئەمنی عێراق، ئەمشەو دوشەممە، لە بەیاننامەیەكدا رایگەیاند: رونبۆتەوە كە موشەكەكە لە ناوچەی "عەرەب خوزەیر"ی باشوری فڕۆكەخانەی بەغداوە ئاڕاستە كراوە.
بەیاننامەكە لەگەڵ ئەوەی هیچ ئاماژەیەكی بە زیانەكانی كەوتنەخوارەوەی موچەكەكە نەداوە، رایگەیاندوە: هێزە ئەمنییەكان دەستیان كردوە بە گەڕان و پشكنین بەدوای ئەو كەسانەی كە بەو كردەوە "تیرۆریستی"یە هەڵساون.