بەشار ئەسەد، سەرۆكی سوریا، ئەمڕۆ پێنجشەممە، عیماد خەمیس، سەرۆك وەزیرانی
وڵاتەكەی لە پۆستەكەی دورخستەوە.
ئاوێنە: بەپێی ئاژانسی هەواڵی رەسمی سوریا(سانا)، بەشار ئەسەد لە مەرسومێكی
سەرۆكایەتیدا عیماد خەمیس، سەرۆك وەزیرانی سوریای لە پۆستەكەی دورخستەوە.
هەر لە مەرسومەكەدا سەرۆكی سوریا، حسێن عەرنوس-ی بۆ وەرگرتنی پۆستی سەرۆك
وەزیرانی سوریا راسپاردوە ئەوەش سەرباری ئەركەكەی خۆی كە وەزیری سەرچاوەكانی ئاوە.
بڕیاری
دورخستنەوەی عیماد خەمیس لە پۆستەكە لەكاتێكدا كە سوریا بەدەست قەیرانێكی دارایی
قورسەوە دەناڵێنێت و لەسایەی قەیرانەكەشدا بەهای یەك دۆلار بۆتە 3500 لیرەی سوری.