مایك پۆمپیۆ،
وەزیری دەرەوەی ئەمریكا، سزادانی كارمەندێكی كونسوڵخانەی وڵاتەكە لە ئیستانبوڵ
لەلایەن دادگای توركیاوە ئەو متمانەیە لاواز دەكات كە پەیوەندییەكانی نێوان
توركیاو ئەمریكای لەسەر راوەستاوە.
ئاوێنە: مایك
پۆمپیۆ، دوێنێ پێنجشەممە، لە بەیاننامەیەكدا رایگەیاند: ئەمریكا پێی وانییە بەڵگەی
متمانەپێكراو هەبێت بۆ پشتیوانیكردنی بڕیارەكەی دادگای توركیا لە سزادانی مەتین
تۆبۆز بە تۆمەتی هاوكاریكردنی "رێكخراوی تیرۆریستی"، كە تیایدا سزای
هەشت ساڵ و نۆ مانگ زیندانی بەسەردا سەپێنراوە.
وەزیری دەرەوەی
ئەمریكا وتوشیەتی: سزادانی ئەو كارمەندانە لەلایەن دادگای توركیاوە متمانە بە
دامەزراوە توركییەكان لاواز دەكات...متمانەش بنەمای پەیوەندییەكانی توركیاو
ئەمریكایە.
دوێنێ پێنجشەممە، دادگای باڵای تورکیا، بە تۆمەتی پەیوەندی بە بزوتنەوەی فەتحوڵا
گولەن و دەست هەبون لە هەوڵی کودەتاکەی ساڵی 2016، سزای هەشت ساڵ و نۆ مانگی بۆ مەتین
توبوز، کارمەندی کونسوڵخانەی ئەمریکا لە ئیستانبوڵ دەرکرد.