2020-06-13   580     
رۆژنامەی "فایننشال تایمز" رایگەیاند ، سعودیە تاوتوێی بریاری هەڵوەشاندنەوەی مەوسمی حەج دەكات بۆ جاری یەكەم لەوەتەی دروستبوونی ، ئەمەش بەهۆی زۆری بڵاوبوونەوەی ڤایرۆسی كۆرۆنا لە وڵات و تێپەراندنی (100) هەزار كەس.
ئاوێنه: رۆژنامەكە لەزاری بەرپرسێكی گەورەی وەزارەتی حەج و عەمرەی سعودیە بڵاوی كردۆتەوە :" ئەم بابەتە بەباشی و چڕی تاوتوێ كراوە ، هەروەها جارێكی دیكە چاو بە سیناریۆ جیاوازەكان دەخشێنینەوە پێش ئەوەی لەم هەفتەیە بریاری كۆتایی بدەین".
یەكێك لە لە پێشنیارەكانیش ئەوەیە ، رێگەدانە بە كەمترین ژمارەی حاجیان لەنێوخۆی وڵات بۆ جێبەجێكردنی فەرزەكانی حەج ، ئەویش بە جێبەجێكردنی رێكارە تەندروستییەكان.
بەرپرسەكە بۆ فایننشاڵ تایمز ئەوەیشی وتووە : " هەموو بژاردەكان كراوەن ، بەڵام لەكۆتاییدا تەندروستی و سەلامەتی حاجیان لەسەرووی هەموو شتێكەوەیە".