2020-06-17 473
وەزارەتی تەندرووستی سعوودیە رایگەیاند، لە ٢٤ کاتژمێری رابردوو ٤ هەزار و ٩١٩ کەسی دیکە لەو وڵاتە تووشی ڤایرۆسی کۆڕۆنا بووە.
ئاوێنه: لەراگەیەندراوێکدا وەزارەتی تەندرووستی حکوومەتی سعوودیە ئاماژەی بەوەکرد کە لە ٢٤ کاتژمێری رابردوو ٣٩ کەسی دیکە بەهۆی ڤایرۆسی کۆڕۆنا لەو وڵاتە گیانیان لەدەستداوە و ٤ هەزار و ٩١٩ کەسی دیکەش تووشی ڤایرۆسەکە بوونە.
هاوکات لە راگەیەندراوەکەدا تیشک خراوەتە سەر ئەوەی کە کۆی گستی تووشبووانی ڤایرۆسەکە لەو وڵاتە گەیشتە ١٤١ هەزار و ٢٣٤ کەس و هەزار و ٨٥٩ کەسی دیکەش گیانیان لەدەستداوە.
شایەنی باسە وەزارەتی ناوبراو تەئکیدی لەوە کردووەتەوە کە ٣٩ کەس لە ماوەی ٢٤ کاتژمێری رابردوو گیانی لەدەستداوە.