لە روسیا ژمارەی توشبوانی کۆرۆنا ٥٨٤ هەزار کەسی تێپەڕاند
  2020-06-21       318       

ژمارەی تووشبووانی ڤایرۆسی کۆرۆنای نوێ (COVID-19) لە رووسیا، گەیشتە ٥٨٤ هەزار و ٦٨٠ حاڵەت.

ئاوێنه‌: ژووری ئۆپەراسیۆنی تایبەت بە بەرنگاربوونەوەی بڵاوبوونەوەی ڤایرۆسی کۆرۆنای نوێ لە رووسیا لە راگەیەندراوێکدا ئەوەی بڵاوکردەوە کە لە ٢٤ کاتژمێری رابردوودا، حەوت هەزار و ٧٢٨ حاڵەتی نوێی تووشبوون بە ڤایرۆسی کۆرۆنای نوێ (COVID-19) تۆمار کراون و ژمارەی تووشبووانی ڤایرۆسەکە گەیشتووەتە، ٥٨٤ هەزار و ٦٨٠ کەس.

هەروەها ١٠٩ حاڵەتی نوێی گیانلەدەستدان تۆمارکراون و ژمارەی ئەو کەسانەی لەو وڵاتە بە ڤایرۆسی کۆرۆنای نوێ (COVID-19) گیانیان لەدەستداوە گەیشتووەتە، هەشت هەزار و ١١١ کەس.

لە مۆسکۆی پایتەختیش ژمارەی تووشبووان بۆ کەمتر لە هەزار کەس دابەزی و لە ٢٤ کاتژمێری رابردوودا، ٩٦٨ حاڵەتی تووشبوون بە ڤایرۆسی کۆرۆنای نوێ (COVID-19) تۆمار کران و ژمارەی تووشبووان گەیشتووەتە ٢١٣ هەزار و ٩٤٦ کەس، هەروەها ٣٢ تووشبووی دیکەی ڤایرۆسەکە گیانیان لەدەستداوە و ژمارەی ئەو کەسانەی تا ئێستا بەهۆی تووشبوونیان بە ڤایرۆسی کۆرۆنای نوێ (COVID-19) لە مۆسکۆ گیانیان لەدەستداوە گەیشتووەتە، سێ هەزار و ٥٩٧ کەس.

هەروەها دەزگای تەندروستیی و پاراستنی مافی بەکاربەر لە رووسیا لە راگەیەندراوێکدا ئەوەی خستەڕوو کە ژمارەی ئەو پشکنیانەی تا ئێستا ئەنجامدراون، ١٦ ملیۆن و ٩٠٠ هەزاری تێپەڕاندووە.

لە راگەیەندراوەکەدا ئەوەیش خراوەتەڕوو کە زیاتر لە ٣١٠ هەزار کەس کەرەنتین کراون.

یەکەم حاڵەتی تووشبوون بە ڤایرۆسی کۆرۆنای نوێ (COVID-19) لە رووسیا لە ٣١ی کانوونی دووەمی رابردوو و یەکەم حاڵەتی گیانلەدەستدان لە ١٩ ئاداری رابردوودا، تۆمارکران.

زۆرترین بینراو
© 2021 Awene Online, Inc. All Rights Reserved.
×