حكومەتی عێراق بڕیاریدا بە راگرتنی دو موچەو هەروەها خەرجكردنی شایستە
داراییەكانی ئاوارەكانی كەمپی رەفحا.
ئاوێنە: ئەنجومەنی وەزیرانی عێراق لە بڕیارێكدا جەختی لەسەر جێبەجێكردنی مادەی
10ی یاسای خانەنشینی یەكگرتوی ساڵی 2019ی هەمواركراو كردۆتەوە سەبارەت بە
هەڵوەشاندنەوەی هەمو ئەو دەقە یاساییانەی كە رێگە بە وەرگرتنی دو موچە یاخود زیاتر
دەدەن بێجگە لەو توێژانەی كە لە مادەكەدا ئاماژەیان پێدراوە.
هەروەها بڕیاریشیداوە، ئاوارەكانی كەمپی رەفحا كە یاسای عێراقی بە
دەستبەسەركراوانی رەفحا ناوی هێناون، دەبێت هەڵگری چەند مەرجێك بن ئینجا شایستە
داراییەكانیان خەرج دەكرێت.
دەستبەسەركراوانی رهفحا ئهو عیراقیانه بون كه دوای راپهڕینهكهی ساڵی
1991ی ناوچهكانی ناوهڕاست و باشور له ترسی سهدام حسێن رویان له عهرهبستانی
سعودی كرد و لهناوچهی "رهفحا"ی سهر سنور خرانه كهمپی پهنابهرانهوه.
هیچ یەكێك دەستبەسەركراوانی رەفحا بەپێی بڕیارەكەی ئەنجومەنی وەزیرانی
عێراق لە یەك ملیۆن دینار زیاتری بۆ خەرج ناكرێت و دەشبێت: لەئێستادا دانیشتوی
عێراق بێت، سەرۆك خێزان بێت و بۆ ئەندامانی دیكەی خێزان شایستەی دارایی خەرج ناكرێت،
هیچ موچە و داهاتێكی دیكە لە دەوڵەت وەرنەگرێت.
هێمای بۆ ئەوەش كردوە كە سودمەند لەم شایستە داراییە لە وەرگرتنی شایستەی
داراییدا بەرپرسیارێتی بونی ئەو مەرجانەی دەكەوێتە ئەستۆ و بەپێچەوانەوە رێكاری
یاسایی لەدژی دەگیرێتەبەر.
هەروەك ئاماژەی بەوەشداوە كە دەزگای زیندانیانی
سیاسی عێراق بونی مەرجەكانی سەرەوە لە سودمەنداندا پشتڕاستدەكاتەوەو هەر كەسێك لە
دەستبەسەركراوانی رەفحا ئەو مەرجانەی تێدانەبن موچەكەی رادەگیرێت.