مەسعود بارزانی سەرۆكی پارتی دیموكراتی كوردستان پێشوازی لە جومعە عناد سەعدون وەزیری بەرگریی عێراق و شاندێكی یاوەری كرد.
ئاوێنه: بەگوێرەی راگەیەندراوێكی بارەگای بارزانی، "لە دیدارەكەی ئەمڕۆ (پێنجشەممە، 25-6-2025) وەزیری بەرگریی عێراق سڵاوی سەرۆك وەزیرانی عێراقی بە سەرۆك بارزانی گەیاند و، كورتەیەكی لە بارودۆخی ئەمنی و سیاسیی عێراق و هەڕەشەی داعش لە پارێزگاكانی ناوەندی عێراق خستەڕوو".
ئاماژەی بەوەشكردوە،هەر لەو كۆبونەوەیەدا جەخت لەسەر هەماهەنگیی نێوان هەرێمی كوردستان و حكومەتی عێراق لە ڕوبەڕوبونەوەی تیرۆر و هەروەها برەودانی كولتوری پێكەوەژیانی نێوان پێكهاتەكان كرایەوە."
لە كۆبونەوەكەدا بارزانی هیوای سەركەوتنی بۆ وەزیری بەرگریی عێراق خواست لە ئەرك و كارەكانیدا.