2020-06-26   1962     
حامی ئاکسۆی
وەزارەتی دەرەوەی تورکیا وهڵامی سەرۆكایەتی كۆماری عێراق دهداتهوهو ئاماژه بۆ ئهوه دهكات كه لهئهنجامی هێرشهكانیاندا بۆ سهر ههرێمی كوردستان هاوڵاتی مهدهنیان نهكردۆتهوه ئامانج.
ئاوێنه: وتەبێژی رەسمی سەرۆكایەتی كۆماری عێراق، ئەمڕۆ هەینی، لەبەیاننامەیەكدا رایگەیاند، سەرۆكایەتی كۆمار داوای راگرتنی پێشێلكردنی سەروەری عێراق دەكات لە ئەنجامی ئۆپەراسیۆنە سەربازییەكانی توركیاو بەزاندنی ئاسمانی عێراقەوە كە تێیدا چەند هاوڵاتی مەدەنی بونەتە قوربانی.
لهبهرامبهردا حامی ئاکسۆی، وتەبێژی وەزارەتی دەرەوەی تورکیادا لهراگهیهندراوێكدا دهڵێت، "لهراگەیهندراوەكهی سەرۆکایەتی کۆماری عێراقدا چەند بانگەشەیەکی بێبنەما هەن لەبارەی گیانلەدەستدانی خەڵکی مهدهنی بەهۆی ئۆپەراسیۆنەکانی هێزە چەکدارەکانی تورکیا".
وتەبێژی وەزارەتی دەرەوەی تورکیا رایگهیاندووه، "گرنگییەکی تایبەت بەگیانی خەڵکی مهدهنی دەدەینو عێراقیش ئەوە دەزانێت."
لێدوانهكانی وتەبێژی وەزارەتی دەرەوەی تورکیا لهكاتێكدا كه دوێنێ پێنجشهممه فرۆكه جهنگییهكانی توركیا بۆردومانی هاوینهههواری كونهماسیان كرد لهپارێزگای سلێمانیو بهو هۆیهوه شهش هاوڵاتی مهدهنی ناوچهكه برینداربون، دو منداڵو دو ژن لهنێو بریندارهكاندا بون.