2020-06-28   937     
وەزیری نەوتی عێراق، ، ، داوای کرد سەرجەم کێڵگە نەوتییەکانی وڵاتەکە، بە کێڵگەکانی هەرێمی کوردستانیشەوە، پابەندی یەک سیاسەتی نەوتی بین، بەڵام بە ڕەچاوکردنی مافە دەستوورییەکانی هەرێم.
ئاوێنه: ئەمڕۆ یەکشەممە ئیحسان عەبدولجەبار، وەزیری نەوتی عێراق، دانوستانەکانی نێوان هەرێمی کوردستان و عێراقی خستە بەرباس و وتی، "دانوستانەکان لەگەڵ هەولێر بەردەوامە و جەختیشی لەسەر زەڕوورەتی پابەندبوون بە سنووردانان و بڕیارەکانی ئۆپێک پڵەس کراوەتەوە لەگەڵیان، بەشێوەیەک هەرێم لە 370 هەزار بەرمیل زیاتر بەرهەم نەهێنێت".
وەزیرە عێراقییەکە ناوەڕۆکی دانوستانەکانی ڕوونکردەوە و سەرنجی بۆ ئەوە ڕاکێشا، "گفتوگۆکان بە ئامانجی چاککردنەوەی پەیوەندییەکانی نێوان حکوومەتی ناوەند و هەرێمن، بە شێوەیەک هەموو کێلگە نەوتییەکان بچنە ژێر یەک سیاسەتی نەوتییەوە، هەروەها سامانەکانیش لە چوارچێوەی سیاسەتی فیدڕاڵیدا بەڕێوەببرێن، ئەویش بە ڕەچاوکردنی ئەو مافانەی هەرێم، کە لە دەستووری عێراقیدا دانیان پێدانراوە".