پارێزگاری هەولێر رایگەیاند: بەپێی قسەی تیمە
تەندروستییەكان هەولێر لە لێواری كارەساتدایە بۆیە ئەمشەو بەنیازن چەند بڕیارێكی
نوێ دەربكەن بۆ توندكردنەوەی رێكارەكانی روبەڕوبونەوەی كۆرۆنا.
ئاوێنە: فرسەت سۆفی، پارێزگاری هەولێر، ئێوارەی
ئەمڕۆ یەكشەممە، سەردانی بەڕێوەبەرایەتیی تەندروستیی هەولێر و نەخۆشخانەکانی تایبەت
بە کۆرۆنای کرد و لەكۆنگرەیەكی رۆژنامەوانیدا رایگەیاند، تیمە تەندروستییەکان هۆشداری
دەدەن، کە هەولێر لە لێواری کارەساتدایە.
وتیشی:
لەبەرئەوە ئەمشەو چەند بڕیارێکی نوێ دەردەکەین بۆ ئەوەی رێکاری توندتر بگرینەبەر بۆ
روبەڕوبونەوەی ڤایرۆسی کۆرۆنا.
پارێزگاری
هەولێر لە چوارچێوەی سەردانەکەیدا لەگەڵ بەرپرسانی تەندروستیی پارێزگاکە کۆبوەتەوە
و وتیشی"ئەوەی ئەمڕۆ لەم کۆبونەوەیە لە لایەنی تەندروستیی گوێمان لێبو ئاماژەی
خراپن و رەنگە دۆخی تەندروستیی شارەکە بەرەو خراپتر بڕوات".