2020-07-02 434
ڕاوێژكارێكی سەرۆك وەزیرانی عێراق رایدەگەیەنێت كازمی سورە لە سەرهەڵبژاردنی پێش وەختە و لەداوخستنیشی پەرلەمان بەرپرسیارە.
ئاوێنه: حسێن هنداوی ڕاوێژكاری مستەفا كازمی بۆكاروباری هەڵبژاردن ئەمرۆ پێنج شەممە 2-7-2020 لە لێدوانێكی رۆژنامەوانیدا رایگەیاندوە '' سەرۆك وەزیرانی عێراق مستەفا كازمی سورە لە سەرهەڵبژاردنی پێش وەختە كە بەشێوەیەی پاك و بێگەرو بەپێی پێوەرە نێو دەوڵەتیەكان بەرێوەبچێت، لەداوخستنیشی پەرلەمان بەرپرسیارە."
ئەو راوێژكارە ئاماژەی بەوەشداوە" یاسای هەڵبژاردنی ئەنجومەنی نوێنەران تا ئێستاش تەواو نەبووە و پێویستە لەسەر كوتلە سیاسیەكان گفتوگۆی تەواو لەسەر شێوازی سیستمی نوێ و لیستی هەڵبژاردن بكەن".
ئاشكراشیكردوە " ئەنجومەنی نوێنەران لایەنی سەرەكیە بۆ هەمواركردنەوەی یاسای هەڵبژاردنەكان و ئێمەش وەك حكومەت ژمارەیەك پێشنیارمان داوەتە پەرلەمان و چاوەرێین دەنگیان لەسەر بدات و لەئەگەری دواخستنی پرۆژەیاساكەشدا پێویستە پەرلەمان بەرپرسیاریەتی هەڵبگرێت".
جێگەی ئاماژەیە مستەفا كازمی سەرۆك وەزیرانی عێراق لەكاتی سوێند خواردنی دەستبەكاربونیدا و لەكارنامەی حكومەتەكەشیدا ئاماژەی بەوەدا كاربۆ هەڵبژاردنی پێش وەختە دەكات لەژێر چاودێری نەتەوەیەكگرتوەكاندا.