توركیا شیلادزێ و دێرەلوك بۆردومان دەكاو هێزی زیاتر دەهێنێتە برادۆست
  2020-07-03       955       

فڕۆكە جەنگییەكانی توركیا هەردو دەڤەری شیلادزێ و دێرەلوک بۆردومان دەكەن و سوپای ئەو وڵاتەش هێزی زیاتر رەوانەی دەڤەری برادۆست دەكات.

ئاوێنە: بەیانی ئەمڕۆ هەینی، چەند فڕۆکەیەکی جەنگی تورکیا بۆردومانی گوندەکانی نزیک لە ناحیەی شیلادزێ و دێرەلوک-یان کرد.

بەپێی زانیارییەكان بۆ ماوەی نیو کاتژمێر فرۆکە جەنگییەکانی تورکیا شاخی کوڕەژار، کە دەکەوێتە بەرزایەکانی شیلادزێ و چیای "لینک"یان لە بەرزاییەكانی دێرەلوک بەچڕی بۆردومان کردوە.

بەگوێرەی میدیاكانی نزیك لە پەكەكە، هەر ئەمڕۆ سوپای تورکیا هێزێکی زۆری بۆ گوندەکانی خەلیفان و گوڕە و شێربێگە لە دەڤەری برادۆست هێناوە.

میدیاكانی نزیك لە پەكەكە نوسیویانە كە هێزەكەی توركیا داوایان لە لە پێشمەرگەکانی پارتی کردوە بارەگانیان بۆ سوپای تورکیا بەجێبهێڵن.


زۆرترین بینراو
© 2020 Awene Online, Inc. All Rights Reserved.
×