ئەندامێكی سەركردایەتی پارتی توشی كۆرۆنا بو
  2020-07-04       528       

نوری حەمە عەلی، ئەندامی سەرکردایەتیی پارتیی دیموکراتی کوردستان توشی ڤایرۆسی کۆرۆنا بوە و بەپێی قسەی کوڕێکیشی، تەندروستیی باوکی جێگیرە.

ئاوێنە: کۆرش نوری، کوڕی نوری حەمە عەلی لەبارەی توشبونی باوکی بە ڤایرۆسی کۆرۆنا بە "روداو"ی راگەیاند، رۆژی پێنجشەممە پشکنینی بۆ ئەنجامدراوە، شەوی رابردو ئەنجامەکەی دەرچوە و "پۆزەتیڤ بوە. بەڵام دۆخی تەندروستی جێگیرە".

نوری حەمە عەلی لەدایکبوی ساڵی 1956ەو بەوتەی کوڕەکەی، ئێستا لە ماڵەوە کەرەنتین کراوە و چارەسەر وەردەگرێت.

بەپێی ئامارەکانی وەزارەتی تەندروستیی هەرێمی کوردستان، تاوەکو ئێستا هەزار و 572  کەس لە هەولێر توشی ڤایرۆسی کۆرۆنا بون کە 963 کەسیان چاکبونەتەوە و 29 کەسیشیان گیانیان لەدەستداوە.

لە تەواوی هەرێمی کوردستانیش شەش هەزار و 844 کەس توشی ڤایرۆسی کۆرۆنا بون کە دو هەزار و 252 کەسیان چاکبونەتەوە و 231 کەسیشیان گیانیان لەدەستداوە.


زۆرترین بینراو
© 2020 Awene Online, Inc. All Rights Reserved.
×