2020-07-05   2037     
قایمقامی کۆیە رایگەیاند، ئەمڕۆ یەکشەممە لە داواکاری گشتی شارەکە سکاڵای لەسەر بانگخوازی ئیسلامی تۆمارکردوە چونکە "سوکایەتی بەمارشی نەتەوەی ئەی ڕەقیب و شاعیری دیاری گەلی کورد دڵدار"کردوە.
ئاوێنه: یوسف حەسەن، قایمقامی کۆیە لە راگەیەنراوێکدا رایگەیاند، ئەمڕۆ لە جێگرایەتی داواکاری گشتی کۆیە سکاڵای یاسایی لەسەر کەسێک بەناوی(عەبدولحەمید) تۆمارکردوە کە وەک بانگخوازی ئیسلامی لەڤیدۆیەکدا "سوکایەتی بەمارشی نەتەوەی ئەی ڕەقیب و شاعیری دیاری گەلی کورد دڵدار" کردوە.
ئاماژەی بەوەشکردوە، پاڵپشت بەناڕەزایی و داواکاری چالاکوانانی کۆمەڵی مەدەنی شاری کۆیە ئەمڕۆ وەکو قایمقامی قەزای کۆیە سکاڵایی لەسەر ئەوکەسە تۆمارکردوە لەداواکاری گشتی کۆیە.