هەپەگە رایگەیاند:
لە چەند چالاكییەكی گەریلادا، لە ناوچەی "هەفتانین"ی باشوری كوردستان سێ
سەربازو لە ناوچەی "گەڤەر"ی باكوری كوردستانیش چوار سەربازی توركیا
كوژراون و ئۆتۆمبێلێكی سەربازیش تێكشكێنراوە.
ئاوێنە: ناوەندی ڕاگەیاندنی هێزەكانی پاراستنی گەل(هەپەگە)،
ئەمڕۆ دوشەممە، لە بەیاننامەیەكدا رایگەیاند: دوێنێ 5ی تەمموز لەچوارچێوەی شەڕی
هەفتانیندا، هێزەكانیان لە گردی كۆردینە چالاكییەكیان دژبە سوپای توركیا
ئەنجامداوەو لە چالاكییەكەدا سەربازێكی ئەو سوپایە كوژراوە.
ئاماژەی
بەوەشداوە كە هەر لە چوارچێوەی شەڕی هەفتانیندا هەمان رۆژ هێزەكانیان دو چالاكی
دیكەیان ئەنجامداوەو لە ئاكامدا دو سەربازی توركیا كوژراون.
بەگوێرەی
راگەیەندراوەكە هەر دوێنێ، گەریلاكانیان لە نێوان گوندی "باگەنگێ" و "سەری
شکەفتێ"ی سەربە گەڤەر-ی جۆلەمێرگ چالاكییەكیان لەدژی ئۆتۆمبێلێكی سوپای
توركیاو ئەو سەربازانە ئەنجامداوە کە لە تەنیشتی ئۆتۆمبێلەكە بەڕێگادا دەڕۆیشتن و
لەو چالاکیەکەدا ئۆتۆمبێڵەکە تێکشکێنراوەو چوار سەربازی توركیاش كوژراون.
لە بەشێكی دیكەی
بەیاننامەكەدا، هەپەگە هێمای بۆ ئەوە كردوە كە رۆژی ٨ی حوزەیران لە دەشتی سلۆپی چیای
جودی، لە شەڕێكدا گەریلایەكیان بەناوی "ڕۆژ" بریندار بوەو کەوتۆتە دەستی دوژمن.