2020-07-09   522     
رێکخەری ژوری رۆژنامەوانی بزوتنەوەی گۆڕان رایگەیاند، جڤاتی نیشتیمانی کە بەرزترین دەسەڵاتی بڕیاردانی گۆڕانە ئەمڕۆ لەبارەی گۆڕانکارییەکانی ناوچەکە و دۆخی عێراق، پەیوەندییەکانی هەولێر و بەغدا، هەنگاوەکانی چاکسازی، قەیرانی دارایی و دۆخی ژیانی هاوڵاتیان کۆبوەتەوە، دهمانهوێت له رێگهی چاكسازییهوه گلهیی و نارهزایهتییهكانی هاوڵاتیان كهم بكهینهوه.
ئاوێه: دلێر عەبدولخالق، رێکخەری ژوری رۆژنامەوانی بزوتنەوەی گۆڕان لە کۆنفرانسێکی رۆژنامەنوسیدا رایگەیاند، ئەمڕۆ جڤاتی نیشتیمانی دوای کۆبونەوەی چەند رۆژی رابردوی جڤاتی گشتی، باژێروانەکان و تیمی حکومەتی بزوتنەوەی گۆڕان کۆبونەوەی ئاسایی خۆی ئەنجامدا، لە کۆبونەوەکەدا بەرئەنجامی کۆبونەوەی گۆڕان و لایەنەکان بۆ باشترکردنی بژێوی خەڵک و دەستکردن بە پرۆسەی چاکسازی لە هەرێمی کوردستان تاوتوێکراوە و تیمی حکومەتی گۆڕانیش لە کۆبونەوەکەدا دوا هەنگاوەکانی حکومەتیان لەبارەی چاکسازی خستەڕو.
ئاماژەی بەوەشکرد، ئەمڕۆ هەڵسەنگاندن بۆ روانگە و کارەکانی حکومەت لە بوارەکانی چاکسازی دارایی، یاسایی و کارگێری دەکەن، چونکە بەشداری گۆڕان لەسەر ئەو بنەمایەنە بوە، لە هەمانکاتیشدا گۆڕان کار لەسەر ناڕەزایی هاوڵاتیان دەکات و داواکارییەکانیان دەگەیەنێتە کۆبونەوەکانی پەرلەمان و حکومەتی هەرێمی کوردستان.
راشیگهیاند، گۆڕان لهسهر بنهمای چاكسازی كردن بهشداری له حكومهت كردوه، پشتوانی له پرۆژه یاسایی چاكسازی دهكهین، لای ئێمه گرنگه بزانین تواناكانی حكومهت چهنده بۆ جێبهجێكردنی ههنگاوهكانی چاكسازی.
جهختی لهوهش كردهوه، بهرپرسیارییهتی یهكێتی و پارتی زۆرتره له حیزبهكانی تر، لە کۆبونەوەکەی ئهمرۆدا سەرکردایەتی گۆڕان دەخوازێت وەڵامی ئەو پرسیارە وەربگرێتەوە کە بۆچی قەیرانی دارایی کە بازار و ژیانی هاوڵاتیانی پەک خستوە، کاریگەری نەکردوەتە سەر حیزبە دەسەڵاتدارەکان، بۆ كۆمپانیاكانی نزیك له حیزب ژیانیان باشه و باردۆخۆی هاوڵاتیان باش نیه.