هەپەگە كوژرانی 10 سەربازی توركیا لە هەفتانین راگەیاند
  2020-07-10       430       

هەپەگە كوژرانی 10 سەربازی سوپای توركیای لە چەند چالاكییەكی گەریلادا لە ناوچەی "هەفتانین"ی باشوری كوردستان راگەیاندو دەشڵێت: دو سەربازی دیكەش برینداربون.

ئاوێنە: ناوەندی راگەیاندنی هێزەكانی پاراستنی گەل(هەپەگە) لە بەیاننامەیەكدا رایگەیاند: رۆژی 8ی تەمموز  هێزەکانمان لە گردی شەهید جودی لە دەڤەری شەشدارا چالاكییەكیان لەدژی سەربازێكی توركیا بە قەناس ئەنجامداوەو لە ئاكامدا ئەو سەربازە كوژراوە.

ئاماژەی بەوەشداوە كە دوێنێ 9ی تەمموز هێزەکانمان چالاکییەكی دیكەیان لەدژی سەربازانی توركیا لەگردی شەهید "جودی"ی شەشدارا ئەنجامدا. لە چالاکەکەدا دو سەنگەر بە تەواوی لەناوبران و هەشت سەرباز كوژران و دو سەربازیش برینداربون.

بەپێی بەیاننامەكە هەمان رۆژ گەریلا چالاكییەكی لە گردی تونێلی سەر بە شەشدارا بە قەناس ئەنجامداوەو  لەئاكامدا سەربازێکی توركیا كوژراوە.


زۆرترین بینراو
© 2024 Awene Online, Inc. All Rights Reserved.
×