2020-07-10   646     
مەزڵوم كۆبانی
مەزڵوم كۆبانی، فەرماندەی گشتی هێزەکانی سوریای دیموکرات -ههسهده- سوپاسی پاڵپشتییهكانی ئهمریكا دهكات لەشەڕی دژی تیرۆردا.
ئاوێنه: بهپێی تویتێكی مەزڵوم كۆبانی، ناوبراو ئهمڕۆ لەگەڵ ژەنەڕاڵ کێنس مکێنزی، فەرماندەی فەرماندەیی ناوەندی سوپای ئەمریکا کۆبوەتەوە.
لهتویتهكهدا مەزڵوم كۆبانی نوسیویهتی، پێکەوە لەبارەی ئەو بابەتانە قسەیانکردووە کە جێگەی بایەخی هەردولان، لەوانەش شەڕی بەردەوامی تایبەت بەروبەڕوبونەوەی هەڕەشەکانی داعشو بەدەستهێنانی چارەسەری ئاشتیانە لەناوچەکەدا.
فەرماندەی گشتی ههسهده دەڵێت، پێزانینێکی تایبەتییان هەیە بۆ ئەو پاڵپشتییە بەردەوامانەی ئەمریکا بۆ سەقامگیرییو لەشەڕی دژی تیرۆردا پێشکەشیان دەکات.