بەپێی ئەو خشتەیەی وەزارەتی دارایی و ئابوری حكومەتی هەرێمی كوردستان بڵاویكردەوە، ئەمڕۆ و سبەینێ دووشەمە مووچەی چەندین وەزارەت و دەستە دابەش دەكرێت.

ئاوێنە: بەپێی خشتەكە، ئەمڕۆ یەكشەممە 12-7 وەزارەتەكانی كاروكاروباری كۆمەڵایەتی، داد، سامانە سروشتییەكان، خوێندنی باڵا و توێژینەوەی زانستی، ئەوقاف و كاروباری ئاینی، پلاندانان، پیشەسازی و بازرگانی، گواستنەوەو گەیاندن، هەروەك خاوەن پێداویستی تایبەت، ئەنجومەنی دادوەری، دیوانی چاودێری دارایی، دەستەكانی مافی مرۆڤ، ناوچە كوردستانییەكانی دەرەوەی هەرێم، ژینگە، وەبەرهێنان، دەستپاكی، كۆمسیۆنی هەڵبژاردن، دەزگای مین دابەش دەكرێت مووچە وەردەگرن و بەشێكیشیان دوێنێ وەریانگرتووە.

هەر بەپێی خشتەكە سبەینێ دووشەممە 13-7، وەزارەتەكانی شارەوانی و گەشتوگوزار، كارەبا، كشتوكاڵ و سەرچاوەكانی ئاو، ڕۆشنبیری و لاوان، ئاوەدانكردنەوەو نیشتەجێكردن، سەرۆكایەتییەكانی هەرێم، مووچە وەردەگرن.

دابەشكردنی مووچە لەكاتێكدایە كە حكومەتی هەرێم لە حەوت مانگدا تەنها مووچەی دوو مانگی دابەش كردووە و بەپێی زانیارییەكانیش تا ئێستا دیار نییە مووچەی مانگی داهاتوو چۆن و كەی دابەش دەكرێت.