بۆ یەکەمجار دۆناڵد ترەمپ بە ماسکەوە دەرکەوت
  2020-07-12       303       
بۆ یەکەمجار لە دوای چوارمانگ لە بڵاوبونەوەی کۆرۆنا دۆناڵد ترەمپ بە ماسکەوە دەرکەوت.

ئاوێنە: شەوی ڕابردوو لەکاتی سەردانیکردنی نەخۆشخانەیەکی سوپای ئەمریکا کە تایبەتە بە توشبوانی سەربازانی ئەمریکا بە کۆرۆنا لە نزیک واشنتۆنی پایتەخت، دۆناڵد ترەمپ بە ماسکەوە دەرکەوت، ئەوەش بووە جێگەی سەرنجی میدیاکان.

لەماوەی چوار مانگی ڕابردوودا کە کۆۆرنا بە خێرای بڵاودەبوەوە دۆناڵد ترەمپ ماسکی بەکارنەدەهێنا و باوەڕی پێ نەبوو، ئەوەش بەردەوام بووە جێگەی رەخنە لەسەری بەتایبەت لەلایەن جۆ بایدنی رکابەری لە دیموکراتەکان.

ئەوە لەکاتێکدایە بەپێی ئامارەکان تا ئێستا لە ئەمریکا سێ ملیۆن و ٣٥٥ هەزار ٦٤٨ کەس توشی ڤایرۆسەکە بوون و لەو ژمارەیەش ١٣٧ هەزار و ٤٠٣ کەس گیانیان لەدەستداوە.
زۆرترین بینراو
© 2021 Awene Online, Inc. All Rights Reserved.
×