هەپەگە كوژرانی 16 سەربازی توركیای لە ئەنجامی چەند چالاكییەكی گەریلادا
لەناوچەی "هەفتانین"ی باشوری كوردستان راگەیاند.
ئاوێنە: ناوەندی راگەیاندنی هێزەكانی پاراستنی گەل(هەپەگە)، ئەمڕۆ
یەكشەممە، لە بەیاننامەیەكدا رایگەیاند: رۆژانی 10 و 11ی ئەم مانگە هێزەكانیان لە
گردی شەهید جودی لە ناوچەی شەشدارا لە هەفتانین، چالاكیان ئەنجامداوەو لەو
چالاكیانەدا دو سەربازی توركیا كوژراون.
بەپێی بەیاننامەكە هەر دوێنێ 11ی تەمموز،
گەریلا لە گردی شەهید بەردخۆدان لە ناوچەی خانتور چالاكییەكیان ئەنجامداوەو تێیدا
سەربازێك كوژراوە.
هەپەگە ئاماژەی
بە چالاکییەکی ئەمڕۆ کردوە و ڕایگەیاندوە: سەرلەبەیانی ئەمڕۆ یەكشەممە لە دۆڵی بەرازانی سەر بە ناوچەی خانتور لە دژی یەکەیەکی
داگیرکەران کە هەوڵیدا لەو ناوچەیە پێشڕەوی بکات، هێزەکانمان لە سێ قۆڵەوە لێیاندان،
بەپێی ئەو زانیاریانەی گەیشتنە بەردەستمان، ١٣ سەربازی دوژمن كوژراون و لەو ناوچەیە
شەڕ و پێکدادان تا ئێستاش بەردەوامە.