جەزای سەید
مەجید، لێپرسراوی مەڵبەندی سلێمانی یەكێتی نیشتمانی كوردستان رایگەیاند: پڕۆژەی
گشتگیری بۆ سەرجەم سێكتەرەكان هەیەو جەختیش دەكاتەوە كە بەهیچ شێوەیەك دەست
وەرنادەنە كاروباری حكومەت.
ئاوێنە: جەزای
سەید مەجید، لە راگەیەندراوێكدا، وتی: ئەمڕۆ یەكشەممە 12/7/2020 قوباد تاڵەبانی، جێگری
سەرۆكی حكومەت و ئەندامی ئەنجومەنی سەركردایەتی یەكێتی بەمەبەستی پیرۆزبایی لێی وەك
لێپرسراوی مەڵبەندی ١ی ڕێكخستنی سلێمانی و دوپاتكردنەوەی پشتیوانی و هەماهەنگی نێوان حزب و
حكومەت سەردانی مەڵبەندی ١ی رێكخستنی سلێمانی كرد.
جەزای سەید مەجید
لەدیدارەكەیاندا رایگەیاندوە: لە سەرەتای دەستبەكاربونم وەك لێپرسراوی مەڵبەند پرۆژەیەكی
گرنگ و گشتگیرم بۆ سەرجەم سێكتەرەكان ئامادەكردو بە روئیایەكی نوێوە سیاسەت دەكەین
و دەمانەوێت مۆدێلی حزبایەتی بگۆرین و بەبەرنامەو دیسپلینی نوێ كارەكانمان ئەنجام
بدەین كە خزمەتكردنە بە شاری سلێمانی و سنوری چالاكی مەڵبەندی دایك.
دوتوشیەتی"هاوتەریب
لەگەڵ دۆخی هەستیاری كۆرۆناو پارێزبەندی و پابەندبونمان بە رێكارە تەندروستیەكان
كارنامەی كاركردنمان لەگەڵ دۆخەكەدا گونجاندوە."
لێپرسراوی
مەڵبەندی سلێمانی یەكێتی، ئەوەشی خستۆتەڕو: بەهیچ شێوەیەك دەست وەرنادەینە كاروباری
حكومەت و پشتیوان و هەماهەنگتانین لە جێبەجێكردنی بەرنامەو ستراتیژی یەكێتی بۆ
حكومەت و دام و دەزگاكان لەوپێناوەیشدا چاودێری كادیرەكانمان لە حكومەت دەكەین كە
باشترین خزمەت بە كۆمەڵانی خەڵك بكەن.