2020-07-13 289
نوری مالیکی، سەرۆکی هاوپەیمانییەتی دەوڵەتی قانوونی، مستەفا کازمی سەرۆك وەزیرانی عێراق پێویستە لەگەڵ خۆپیشاندەران کۆببێتەوە.
ئاوێنه: مالیکی، لە تویتێکیدا ئاماژەی بەوەکردوە، “وڵات لەم رۆژانەدا بە بارۆدۆخەکی خراپ و نالەبار تێپەردەبێت، کازمی پێوەستە گوێ لە داواکارییەکانی خۆپیشاندەران بگرێت، هیواخوازم بە مەبەستی چارەسەر لەگەڵیان کۆببێتەوە”.
لە میانەی وتەکانیدا مالیکی ئاماژەی بەوەداوە، کازمی پێویستە رێگری لە خۆپیشاندەران بکات تا دووبارە نەبنە هۆی هەرەشە لەسەر ئاسایشی عێراق.
خۆپیشاندەران ویستیان لە رۆژهەڵاتی عیراقەوە بێنە ناو بەغداد، بۆ داواکردنی ئەو مووچانەی کە لەلایەن حکومەتەوە پێیان نەدراوە. لە میانەی خۆپیشاندانەکەدا ٢ کەس بەهۆی روبەروبونەوەی هێزەکانی ئاسایش گیانیان لەدەستدا و ٢٠ی تریش برینداربوون.