تەندروستی عێراق: ٢ هەزار و ١١٠ تووشبووی نوێ تۆمارکرا
  2020-07-15       164       


وەزارەتی تەندرووستی عێراق رایگەیاند، لەماوەی ٢٤ کاتژمێری رابردوو ٢ هەزار و ١١٠ تووشبووی نوێ تۆمار کراوە و هەزار و ٨٣٩ تووشبووش چاکبوونەتەوە.

ئاوێنه‌: لە راگەیەندراوێکدا وەزارەتی تەندرووستی عێراق ئاماری ٢٤ کاتژمێری رابردووی بڵاوکردەوە و تێیدا ئاماژەی بەوە کردووە کە ٢ هەزار و ١١٠ تووشبووی ڤایرۆسی کۆڕۆنا تۆمارکراوە و لەبەرامبەردا هەزار و ٨٣٩ تووشبووش چاکبووەتەوە.

لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا، ڕەسافە: 298 حاڵەت، مەدینە توب: 64 حاڵەت، بەغدا كەرخ: 134 حاڵەت، بەسرە: 165 حاڵەت، نەجەف: 123 حاڵەت، سلێمانی: 131 حاڵەت، هەولێر: 40 حاڵەت، كەركوك: 158 حاڵەت، دهۆك: 10 حاڵەت، كەربەلا: 122 حاڵەت، واست: 187 حاڵەت، دیالە: 74 حاڵەت، میسان: 72 حاڵەت، زیقار: 191 حاڵەت، ئەنبار: 11 حاڵەت، بابل: 174 حاڵەت، سەڵاحەدین: 42 حاڵەت، دیوانیە: 68 حاڵەت، موسەننا: 48 حاڵەت”.

هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 87 حاڵەتی گیانلەدەستدانیش كردووە لەماوەی 24 كاتژمێری ڕابردوو لە تێكڕای پارێزگەكانی عیراق و هەرێمی كوردستان.

شایەنی باسە تەندرووستی عێراق ئاشکرایکرد کە تا ئێستا ٨٣ هەزار و ٨٦٧ تووشبووی ڤایرۆسی کۆڕۆنا تۆمارکراوە. لەوانە ٥٢ هەزار و ٦٢١ تووشبوو چاکبوونەتەوە و لە ئێستادا ٢٧ هەزار و ٨١٤ کەس لەژێر چاودێری پزیشکین. لەو ژمارەیە ٣٧٤ کەس بارودۆخی تەندرووستی ناجێگیرە و کۆی گشتیش ٣ هەزار و ٤٣٢ تووشبوو گیانی لەدەستداوە.

زۆرترین بینراو
© 2020 Awene Online, Inc. All Rights Reserved.
×