لیژنەی
باڵای تەندروستی و سەلامەتی نیشتیمانی عێراق بۆ روبەڕوبونەوەی كۆرۆنا، بڕیاریدا لەدوای جەژنی
قوربانەوە قەدەغەی هاتوچۆ بەتەواوەتی هەڵبگیرێت و فڕۆكەخانەكانیش لە 23ی ئەم
مانگەوە بكرێنەوە.
ئاوێنە: لیژنەكە، ئەمڕۆ پێنجشەممە، لە بەیاننامەیەكدا رایگەیاند:
بڕیاریانداوە بە كردنەوەی مۆڵەكان بە مەرجی پابەندبون بە رێكارەكانی خۆپارێزییەوە
لەگەڵ كەمكردنەوەی كاتەكانی قەدەغەی هاتوچۆ لە سەعات 9:30 خولەكی شەوەوە بۆ 6ی
بەیانی و هەروەها بڕیاریانداوە لەدوای جەژنی قوربان قەدەغەی هاتوچۆ بەتەواوەتی هەڵبگیرێت.
بەپێی
بەیاننامەكە لە رۆژی 23ی ئەم مانگەوە فڕۆكەخانەكان دەكرێنەوەو هەروەها هەردو
دەروازەی سنوریی مونزریەو سەفوان-یش لەبەردەم ئاڵوگۆڕی بازرگانیدا دەكرێنەوە.
لیژنەكە داواشی
لە دەزگاكانی راگەیاندن كردوە هەڵمەتەكانی هۆشیاركردنەوە بۆ پابەندبون بە رێكارەكانی
خۆپارێزی و بیرۆكەی ژیانكردن لەگەڵ پەتا، چڕبكەنەوە.