تەندروستی گەرمیان: 85 فەرمانبەرو كارمەندمان توشی كۆرۆنا بون
  2020-07-16       199       

تەندروستی گەرمیان ئاشكرایكرد: تاوەكو رۆژی 14ی تەمموز، 85 فەرمانبەرو كارمەندیان توشی كۆرۆنا بون و دوان لەو توشبوانەش گیانیان لەدەستداوە.

ئاوێنە: بەڕێوەبەرایەتی گشتی تەندروستی گەرمیان، ئەمڕۆ پێنجشەممە، لە راگەیەندراوێكدا ئاشكرایكرد: به‌پێی دوایین ئامارى ئاماده‌كراو، (85) فه‌رمانبه‌ر و كارمه‌ندى ته‌ندروستى گه‌رمیان توشی كۆرۆنا بون، له‌و ژمارەیە‌ (73) توشبویان له‌ ره‌گه‌زی نێرن و (12)یان له‌ ره‌گه‌زی مێ.

هه‌ربه‌پێی ئه‌و ئاماره‌، (53) توشبویان كارمه‌ندى ته‌ندروستین به‌ ناونیشانى جیاوازى پیشه‌یی‌ و هه‌روه‌ك (17) توشبویان كارمه‌ندى ئیداریین و (9) توشبوشیان كارمه‌ندى خزمه‌تگوزارین و (6) توشبوشیان پزیشكن.

بەگوێرەی راگەیەندراوەكە ژماره‌یه‌ك له‌و توشبوانه‌ چاكبونه‌ته‌وه‌ و ژماره‌یه‌كى تریشیان له‌ قۆناغی چاره‌سه‌رو چاكبونه‌وه‌ن و  (2) توشبوشیان كە فه‌رمانبه‌رن به‌ كاریگه‌ریی نه‌خۆشییه‌كه‌ گیانیان له‌ده‌ستداوه‌.

زۆرترین بینراو
© 2020 Awene Online, Inc. All Rights Reserved.
×